ဒေလီ၊ ဇူလိုင်-၁၄-၂၀၂၃
မျိုးဆက်(VOM)
အိန္ဒိယနိုင်ငံ မွမ်ဘိုင်းမြို့ရဲ့လမ်းတွေပေါ်မှာ တောင်းရမ်းစားသောက်တဲ့ အမျိုးသားတဦးဟာ ချမ်းသာကြွယ်၀မှု ဒေါ်လာ တသန်းရှိပြီး ကမ္ဘာ့အချမ်းသာဆုံး သူဖုန်းစားလို့ အိန္ဒိယသတင်းဌာနတွေက ကင်ပွန်းတပ်ဖော်ပြနေပါတယ်။
အိန္ဒိယနိုင်ငံက အခြေခံလူတန်းစားတွေဟာ တနေ့ကိုလုပ်ခဟာ ရူပီးရာဂဏန်းရဖို့ အချိန်များစွာပေးလှုပ်ရှားရုန်းကန်နေရပေမယ့် ဘဟာရက်ဂျင်ဆိုသူကတော့ စေတနာရှင်တွေဆီကနေ နေ့စဉ်ရူပီး ၂၀၀၀ ကနေ ၂၅၀၀ ကြားရရှိတယ်လို့ ဆိုပါတယ်။
ဘဟာရက်ဂျင်ဟာ Chhatrapati Shivaji Maharaj Terminus သို့မဟုတ် Azad Maidan လိုမျိုး မွမ်ဘိုင်းက ခရီးသွားများပြားတဲ့ ဘူတာရုံတွေမှာ နှစ်ပေါင်းများစွာ တောင်းရမ်းပြီးနောက် အခုလိုကြွယ်၀ချမ်းသာလာတာဖြစ်ပါတယ်။
သူ့ရဲ့ အသားတင်ပိုင်ဆိုင်မှုဟာ အိန္ဒိယရူပီး ၇ ဒသမ ၅ ကုဋေ သို့မဟုတ် ဒေါ်လာတသန်း၀န်းကျင်ရှိပြီး မွမ်ဘိုင်းဘာ ရူပီး ၁ ဒသမ ၂ ကုဋေတန်ဖိုးရှိ တိုက်ခန်းနဲ့ တလကို ရူပီး သုံးသောင်းနဲ့ငှားရမ်းထားတဲ့ ဆိုင်ခန်းနှစ်ခန်းလည်းပိုင်ဆိုင်ထားပါတယ်။
သူ့ရဲ့တလတာ၀င်ငွေကတော့ ရူပီး ၆၀၀၀၀ (ဒေါ်လာ ၇၃၁ ) နဲ့ ရူပီး ၇၅၀၀၀ (ဒေါ်လာ ၉၁၄ )အကြားရှိနိုင်ကြောင်း ခန့်မှန်းထားပြီး ဒါဟာ အိန္ဒိယအလုပ်သမားအများစုထက် ၀င်ငွေများစွာပိုနေကြောင်း အိန္ဒိယသတင်းဌာနတွေက ဖော်ပြထားပါတယ်။
Ref: Oddity Central
Photo: Brijesh Nirmal/Unsplash
#voiceofmyanmar #VOM #ဒေလီ
